обновлено: 09:13, 07 октября 2025
Лух Авт
Нявремат пиӆна ропытты вер омащ
Касӆыман яӊхты ашкуӆа Ямал мувна ӆувеӆ ямас эттасӆы. Щиты, Овкурт ашкуӆа-интернат щи ораӊна нэман верам грант сытас, аратэӆна ветсат щёрс. Тамхатӆ щиты хос молтас няврем онттаӆа.
Там ӆуӊ нявремат пиӆна ропытта Светлана Артанзеева яӊхас, ӆув Овкурт ашкуӆайна ихощъёӊмет классна онттыйӆ. Ай классатна онттыды Есения па Виктория пиӆна ӆув математика па рущ ясаӊ онттасат, монщат ӆуӊатсат, хорат ханссат па хыс эваӆт вас хорат версат. Щи томпына лыптат акатсат па тун каратсат.
Светлана лавты ясаӊна: «Ӆуӊ пора — щит щимащ пора хонты нявремат ента па нёхамтыта ӆытӆат. Щитна ма ӆув орӊиӆаӆна анта топ онттыды урокат верӆам, ӆув кутӆаӆна енттаӆӆам. Самамна сэӊк омащ, нявремат онттады ныӊӊи ропытмем ораӊна, нявремат эӆты ищи кас ос щиты онттыман пора хыйта».
Овкурт ашкуӆа сытам грант охлаӆна ӆуӊатты нэпекат, нэтбукат па камн сот онттыды нэпекат лотсат.
