Лух Авт
Няврэмат рут ясӊа утаӆтаты хоятат уйтантысат
Няврэмат рут ясӊа утаӆтаты хоятат там ӆапатан Пулӊават вошан яха уйтантысат. Няӆ хатӆ сыс ӆув ещаӆтэӆ рут ясаӊ пиӆан рупитты хоятат потар тусат, еӊта пасан суран актащисат, дискуссияйт версат. Хоты няврэмат пиӆан рупата туты, муй хорпи проектат ӆэщатты рахаӆ, альсат.
Эвета-похата рут ясӊеӆ утаӆтаты каш ат ус, няврэмат ясӊа утаӆтаты хоятат ӆув верты рупатаеӆ па альсат. Муй хорпи формайт, методикайт, яӆап верат рупатаеӆан туӆат, этаӆтысат. Презентацияйт, ёнтапсайт, мастер-классат ӆэщатсат. Ар хорпи платформаятан, онлайн-курсатан, олимпиадаятан, утаӆтаты няврэмӆаӆ кассат, потарсат.
Хасям хатаӆан мойӊ хоятат Канась Пухӆа этнографической комплекса тутӆысайт, шоши мир ёх уӆапсаев альса. Вуӆы хотан хуӆан, вуӆы нёхийн ӆапатсайт, шайн йинсьӆтасайт. Мет яма рупитты хоятат ишакты нэпекатан па мойӆапсаятан мойӆаптасайт.
Альбина Тырлина ханшам потар
Авторы
Лух Авт
Темы