Лух Авт
Нюрам мувев утаӆтыӆа
Ӆуң сыс сора етшаты ураңан нюрам мувев атн па ӆоӆӆыйӆ. Там йисан, камн мутра этам юпийн, мув поталыев иӆампа, мет сорашак ӆарыты питас.
Хошам муват ӆонщан лап питӆайт, ищки муватан мелка йиӆ, щарас йиңкат сорӆат, унтат ёсӆайт, войт уӆты мув каншман мув ӆарытман шушӆат.
Куӆа потам нюрам мувӆув утаӆтыты Индия, Пакистан, Иран па Россия хон муват эӆты айӆат ёх ёхатсат. Учёной хоятат пиӆан вантты мув харӆаӆ мортаӆасӆаӆ. Хор уна альты пормас хуват щира ӆэрапты ураңан, мерая вуям мув, йиңк, щита энамты торн ӆэрат, лыптат хошапата понтсат па патан усат.
Щаха таӆта ныты питӆа, хота ар ятпи хотат омасты харат ӆэщатты рахаӆ, юш верты, йинщты сыстам йиңк лотат каншты.
Ӆуң сыс ветъяң айӆат ёх ёхтыӆыйс. Щёхар тыӆащан хоӆна няӆъяң хоят ёхатаӆ. Кашң, ӆув пирыйм утаӆтыты рупатайӆ хуват верты вераӆ еӆӆы туӆ.
Зоя Куртямова ханшам потар
Авторы
Лух Авт
Темы