Лух Авт
Обдорской мув сыӆ этам порайт
Яӆап таӆ ёхатты порайн кашң хоят мойӆапса ӆаваӆаӆ. Нэпек ӆуңатты хот «Культурной центр Наследие» ищи мойӆапсайн ёхатса. Шеңк тынаң, хорам, катра верат эӆты ханшам «Сказ о древней старине и Обдорской стороне» ӆуңатты нэпекан мойӆаптасайт.
Щи книга Пулңават вошан уӆты, оляпан хор ханшты, член Союза художников нэм тайты ху Михаил Васильевич Канев ханшсаӆӆы. Ханшты вераӆан щит ӆув оӆаң нэпекаӆ. Еӆпи ханшам потарӆаӆ округ мув журналатан туп поныӆысайт.
Хоты катра порайн Обдорской мув сыӆ уӆты хоятатан ёхатса, вошат па куртат энампсат, щит эӆты нэпек ӆыпийн ханшман уӆ. Ханшты потраӆ матты ки монщ, матты ки йис потар иты манаӆ. Нэпек ӆыпия понам хорат Михаил Васильевич нэман там книгайӆ ураңан ханшас.
2024-мет таӆан яӆап таӆ тыӆащан ӆавӆасӆув, хун нэпек ханшам хоятэв пиӆан уйтантыӆув па яӆпа этам книга ӆуңатты па хорат вантты ёша вуйӆыӆэв.
Михаил Васильевич Канев «Сказ о древней старине и Обдорской стороне» книгайӆ округ редакционно-издательской комиссия ясаң понам щиран таӆаңа верман этаӆтаса.
Зоя Куртямова ханшам потар
Авторы
Лух Авт
Темы