Лух Авт
Ох такӆы верантты па касты харата яӊхӆат
Там таӆ Ямал ӆоватан герой Таӆа постаман уӆ. Щи веран СВО хоща уӆты мохиӆув няврэмат ӆув самеӆа мосты харата ох такӆы яӊхты верытӆат.
Няӆ государственной па ветъяӊ пеӆа ӆапат куртаӊ-вошаӊ учрежденияйн льготайт уӆӆат. Щи кеша мосты пормасатан иса маӆайт, ох посатты ант мосаӆ. Спорт хоща 1600 нётопса рупитаӆ.
2022-мет таӆ вуш эӆты секцияята щёрас моӆтас няврэм яӊхаӆ, ӆув кутэӆан 285 ант ӆавӆасман вусайт. 267 няврэм мосты пормасан мохты маса, ванты ӆув ащиӆаӆ ляль харан уӆӆат, муӊ ӆыӆӆув сайӆаӆат. Щи тумпийн тамащ тахая яӊхты няврэмат ӆуӊ сыс щутщаты па таксара йиты ураӊан па мув суӊата тутӆыӆайт. Ӆув кутэӆан 12 хоят щимащ льгота вуйӆыйс.
Касты харата ляльн уӆам ёх ищи яӊхӆат, сот хоят щимащ льгота вуйӆыйс. Щи вер округ ӆоватан рупитаӆ. Мушмаӆтыйм юпийн ӆувиӆаӆ там яӊхапсайт шеӊк нётӆат. СВО хоща уӆты ёхӆув ураӊан турамсот касапсайт верыӆыӆайт.
Ляль харан уӆты ёхӆув па ӆув хоттэӆ хоятӆаӆ ураӊан Ямалан хутъяӊкем нётопса уӆ. Кашӊ пуш моӆты яӆап верат постаӆайт, хун округ кущаев лялясты ёхӆув пиӆан уйтантыйӆ, ӆув щи верат эӆты потрэмаӆат.
Аллина Тоярова ханшам потар
Авторы
Лух Авт
Темы