Лух Авт
Ӆохан хатэмиты касапса ус
Ун кер тыӆась ӆапатмет хатаӆан Пулңават вошан ӆохан хатэмиты хоятат «Полярная лыжня» марафонан ветъяң пеӆа няӆмет пуш уйтантысат, Ямал губернатор мойӆапсайт шитсат. Яң таӆ эӆты па уншак округ па па регионат эӆты хоятат касты ёхтыӆысат.
Касты хоятат вет километра эӆты ветъяң километра унты ӆохан хухаӆсат. Кашң дистанцияйн, оӆаң, кимет па хуӆмет тахая этам хоятат ох шитсат. Ветъяң километра мет сора ӆохан хухатӆыты хоят Дмитрий Абашев катсот пеӆа хус сёрс соӆкува шитас. Кимет тахая этам Виктор Плицев, сот сёрс ёша пайтас. Хуӆмет места вуйм Руслан Каюмов, нийӆъяң сёрс соӆкувайн маса. Си дистанцияйн хоӆна няӆмет, ветмет па хутмет местая этам хоятат ветъяң, няӆъяң па хольмаң сёрс соӆкува шитсат.
Ӆорвош район эӆты Мужи, Овкурт, Ӆорвош, Горка вошат эӆты няврэмат па ун хоятат ёхтыӆысат. Анатолий Александрович Озелов Ӆорвош куртан спорт сирн инструктора рупитаӆ, каматса ясаң ястас: «Муң куртэв эӆты ӆапат хоят усув, вет няврэм па кат ун хоят. Оӆаң хатаӆан Ӆапатнаңк вошан катсот моӆтас касты ёхтыӆыйм хоятат «Звёздный» нэмпи спринт хухатӆысат: няврэмат ветсот метра, ун хоятат — йи километра. Сит сёс сирн мет сора ёхатаӆ. Си касапсайн ма оӆаң тахая этсам, Рудольф апсем кимет места вус.
Кимет хатаӆан си касапсайн Рудольф Романович Возелов ветхосьяң километра хухаӆман, хуӆмет тахая этас. Ма няӆмет места вусам. Нэңат кутан — Галина Филиппова, Мужи вош эӆты яң километра ӆохан манман, оӆаң тахая этас. Олеся Белова, Овкурт эӆты, ветхосьяң километрайн кимет места вус».
Альбина Тырлина ханшам потар
Авторы
Лух Авт
Темы