Лух Авт
Ӆохан хухатлиман кассат
Овкурт вошан щутщаты еӆпи хатаӆан хоттэӆ мохет ӆохан хухатлиман кассат. Кашң хоттэӆ верытас касапса каш ванттыя па этаӆтаты, хоты ӆув тусан па сора ӆохан яңхаӆ. Иуӆтыя няӆ хоттэӆ кассат.
Нох питам хоятат: оӆаң места усат — Ӆоракурт хоттэӆ па Утвошкурт хоттэӆ, кимет места — Тыӆтам хоттэӆ, хуӆмет места — Овкурт вош хоттэӆ. Мет шопаң, щит яма щутщаман пора хайсат, хоятат хоща ям номасан щутщаты хатӆэӆ хащас.
Нумаӆмаӆув, 2024-мет таӆ Россия муван «Хоттэӆ Таӆа» постаман уӆ. Щиты хоятат хоттэӆ яха уӆты щир ат такаптыӆэӆ, еӆӆы пеӆа ям уӆапсайн хоттэӆ мохет ат уӆӆат па ям нётапсайн ат маӆайт. Ӆорвош районан ин камн хорпи ёнтапса па касты лотат хоттэӆ хоятат ураңан верӆаят.
Шеңк ям, хун няврэмат антиӆаӆ па ащиӆаӆ пиӆан яха пора хайӆат: ӆохан яңхӆат, рэп эӆты хатэмиӆат, унта шай каварты яңхӆат, камн касапсая яха яңхӆат. Щит хоща щи вер уӆ — хоттэӆ хоятат ям номасан яха верат ат верӆат. Няврэмӆаӆ тумтакат, антиӆаӆ па ащиӆаӆ мосмаңа па юраңа ат уӆӆат.
Людмила Рочева ханшам потар
Авторы
Лух Авт
Темы