Лух Авт
Ойң сот соӆкувайң щел ох
Мосванан Эдуард Тользин пиӆан потарсаман. Ӆув Московской монетной двор хоща рупитаӆ. Аратаӆ ханты миран яма уйтӆа, хоты ӆув соӆкувайт, меваӆ посат хоща ханшет па хорат ханшаӆ.
Хащам ятан ханты мир ураңан «ойң щел ох» верас. Щит эӆты Эдуард Алексеевич каматса ясаң ястас: «Там мойӆапса юкана верам щел ох эӆты ма хув нумассам, хоты сахат верты. Шеңк ӆаңхасайм ма ханты мирэм амтапан туты. Ӆуӆан ӆув ищи ӆув ёра щел ох ат тайсат. Щи охенан куш нэмоӆты ант ӆутӆан, туп ищипа самен амтатӆыйӆ.
Там веран манэма Любовь Возелова па Зоя Озелова шеңк нётсаңан. Потарсаңан, хоты туңа щира вертыя. Ӆынана вутщиӆам пумащипа ясаң китты.
Ям пелак сахат «100 соӆкова» ханшман уӆ. Щаӆта ӆапат ханши. Муң хощаев «ӆапат» — щит шеңк ойң па ям пос ӆуңтапса щиран. Кимет пелкаӆан ханшсэм «Ойңа па щуняңа уӆа!» Соӆкува кутопан вуӆы хор, тащ па мутра маты юр. Щи тумпийн Хатӆ хор — нуптэв, хошмев, вещкатэв.
Соӆкуваем нейзильбер карты эӆты версэм, 22 мм, кат соӆкува ӆоват. Хоя мосаӆ, верытаӆ щимащ щел ох ӆутты».
Аллина Тоярова ханшам потар
Авторы
Лух Авт
Темы