Лух Авт
Округ ар няврэмаң семьяйт 25000 билет ӆутсат
Хасям таӆан округ ар няврэмаң семьяйт хольмаң пеӆа вет сёрс льготной тариф сирн билет ӆутыӆысат. Сит 15% аршак 2022-мет таӆ эӆты. Мет ар си льгота хуват Москва, Сочи, Тюмень унты Пулңават, Новый Уренгой па Ноябрьск вош эӆты семьяйт яңхсат.
Кашң таӆ си программа хуват аршак билет ӆутӆа. Тохӆаң хопат пурӆыты яӆап тахайт па пуншӆайт. Хасям таӆан Пулңават — Казань, Надым — Минеральные Воды льготной авиамаршрутңан ӆоңаӆсайңан. Там таӆ эӆты тохӆаң хопат Надым па Ноябрьск вошңан эӆты Омск унты пурӆаты питӆат.
Там таӆан льготной авиамаршрутат ветъяң пеӆа хут направление унты энамсат, туп хон мув центральной тахаятан па хошам мува тохӆаң хоп пурӆаты тахайт лап пентсайт. Сишан туп няӆъяң пеӆа яртъяң тахая яңхты рахаӆ.
Ар няврэмаң хоттэӆат няврэм билет тынаӆ 2500 сёрс соӆкувая хойӆ. Си льгота хуват туп «Ямал» авиакомпанияйн пурӆаты рахаӆ.
Альбина Тырлина ханшам потар
Авторы
Лух Авт
Темы