Лух Авт
Округ губернатор стипендия шитты рахаӆ
Таӆ сессия сыс студентат па утаӆтаты тахайт, округ губернатор стипендия шитты ураңан, ай кер тыӆась оӆаңмет хатӆ унты нэпекӆаӆ китты верытӆат. Колледжатан па вузатан отличника уӆты хольмаң пеӆа ӆапат энамты ёх си нётапсайн маӆайт.
Си тумпийн няврэм утаӆтаты, леккара, каш верты направленияйт хуват утаӆтыты ветъяң медалист-выпускникат округ губернатор стипендияйн сохаптаӆайт. Хоӆна вузатан утаӆтыты шоши мир ёх па СВО хося уӆты хоятат няврэмӆаӆ, хой колледжатан па техникуматан утаӆтыӆат, си нётапса ёша паятты па верытӆат. Ӆувиӆаӆа «отлично» па «ям па отлично» посат тайты мосаӆ. Округ губернатор нётапса шитты утситы няврэмата вузатан бакалавриат, специалитет, магистратура, аспирантура па ординатура сирн утаӆтыты.
Си еӆпийн нётапса охат туп округ ашкуӆайт етшаты няврэмат шитыӆысат. Ин Ямал колледжатан па техникуматан утаӆтыты няврэмат, хой округ тумпийн утаӆтыйс, хой асеӆ-аңкеӆ ин СВО хося уӆӆат, си охат па шитты верытӆат.
Няврэмата мосты нэпекат округ департамент образования, мосаң па утаӆтыты тахаяӆа китты рахаӆ. Шоши мир ёх няврэмат нэпекӆаӆ шоши мир ёх пиӆан рупитты департаментан ӆэсятты верытӆайт. Хой си охат шитты питаӆ, ай кер тыӆась хольмаң пеӆа ветмет хатӆ унты ястаӆайт.
Альбина Тырлина ханшам потар
Авторы
Лух Авт
Темы