Лух Авт
Округева тут йиңк па тут юх туӆа
Овс мувеван туп муваӆ хошма йиӆ, хатӆат сус пеӆа керӆаӆат. Щит ураңан йиңкаӆ ун пуляң кум шитты мосаӆ. Ай ёханат хуват мосты арат тут йиңк, тут ӆэты лавам па тут юх хуван уӆты куртата таӆты. Щаха товия йиты порайн хотат ӆыпиӆаӆ хошмат ат усат, хотата хошам па нови тут маты хотат яма ат рупитсат.
Там ёхтам ӆуңан округева ӆапатъяң пеӆа вет щёрас тонна тут йиңк, хуӆамхощъяң щёрас моӆтаскем тонна тут ӆэты лавам па щёрас хуӆамсот кубической метра тут юх мосаӆ ёханат хуват туты. Округеван уӆты ӆапат района, таӆаң таӆа тарамты ураңан, щи арат щи хотат хошмаӆтыты пормас ӆуң сыс туты мостаӆ.
Мет оӆңа Ӆорвош па Приуральской районан уӆты куртат тэкаптаӆайт. Щи юпийн ур мув куртат пеӆа катьрат манӆат. Мет ёӆта хащты куртат — щит Кев Нёӆ, Сеяха па Гыда.
Округ кущайӆув ПАО «Газпром» па ПАО «Газпром нефть» пиӆн яха пиӆтащам нэпек ханшам щирн рупитӆат. АО «Ямалгосснаб» рупатаеӆ план хуват вантман, хот хошмаӆты пормасат лакки ортман куртата туӆат.
Зоя Куртямова ӆэщатсаӆӆы
Авторы
Лух Авт
Темы