Лух Авт
Ӆорвош район эвет утаӆтыты нэпек шитсат
Хуӆамсот няӆъяӊ няврэм утаӆтыты сертификат нэпекатан мойӆаӆайт. Утаӆтыты вер пеӆа рупитты департаментан касты хара китам рупатайт пирысайт. Мойӆапса сертификат ёша пайтты кеша, там пуш ярсот няӆхощъяӊ заявка ёхтас.
Ӆорвош район эӆты хуӆам эви яма утаӆтыты няврэмат кутан рупатайӆаӆ нох питсат. Дияна Нургалиева химия па биология хоща кат нэпек шитас. Яна Сандрина — информатика, Ирина Бакланова — обществознание. Обществознание сертификат касты вер хоща олаӊ пуш понтса. Еӆлы рупата пеӆа утаӆтыты манты порайн экзаменат хоща там предмет иса мосаӆ.
«Мет оӆӊа информатика утаӆтыты порайн манэм кен па каш ус. Щиты утаӆтыты нэӊеман олимпиадайт ханшты хущсайм. Район па округ ар няврэмат кутан оӆаӊ местаята ар пуш этӆысам. Яртъяӊмет класс етшамеман экзамен масам па ветан понтсайм. Олимпиадаята ӆэщатымем порайн Ирина Викторовна Галицкая — утаӆтыты нэӊем, иса манэм нётас.
Ашкуӆа етшатэм порайн ма Хон Петра воша манты вутщиӆам. Щита рупата пеӆа утаӆтыты хот пирысам. Ин муй рупата ант вуӆан, иса компьютеран рупитты мосаӆ. Ма нумастэман, ма рупатаем хоятата ищи шеӊк мосты питаӆ», — Мужи вошан яма утаӆтыты ханты эвие — Яна Сандрина щиты ястас.
Зоя Куртямова ханшам потар
Авторы
Лух Авт
Темы