Лух Авт
Овс мув энамты ёх яха уйтантыӆат
Пулңават вошан «Клуб 89» харан Овс мув энамты ёх сютсяты хатӆатан уйтантыӆат. Журналиста па общественника уӆты ханты похев Дмитрий Кельчин си уйтантопсайт ӆэсятаӆ. Хасям таӆан «Шоши мир энамты ёх коммуникативной харат» образовательной проектат кутан «Клуб 89» хар пирыса. «Ямальские молодёжные инициативы» проектной офисан сот сёрас соӆкува грант охан маса.
Си уйтантопсайт яӆап таӆ тыӆась эӆты ай кер тыӆась унты манты питӆат. Сита Овс мув энамты ёх кеша ар сыр харат верӆайт: кина ӆэсятӆат, хоятатан уятты энамты хоятат, ӆув вер пуншам айӆат ёх верты рупатаеӆ эӆты потарты питӆат, округ па па хон мув вош экспертат пиӆан уйтантыӆат.
Дмитрий Кельчин ясаң эӆты: «Муң хуӆам пуш уйтантысув. Хоӆна яртъяң уйтантопса верӆув. Тата ар пелак рупитты айӆат ёх ёхтыӆыйӆ. Хоӆ арсыр уйтантопсаятан, форуматан, семинаратан кассат. Ин муй ӆув верты ӆытӆайт, муй номас тайӆат, пирыты мосаӆ, туңа щира ӆэсятты па нэпека понты. Симась тахаятан ӆув ӆаваӆӆайт, верты верӆаӆ туты нётӆайт».
Альбина Тырлина ханшам потар
Авторы
Лух Авт
Темы