Лух Авт
Овс мув хорамат щашканан этаӆтаӆӆы
Пулӊават вошн «Дом ремёсел» хотан умась хорамат щашканан этаӆтыты ханты нэ Александра Ларионовна Юхлымова «Тепло Севера. Батик и традиции» вантопса манаӆ. Вошан уӆты хоятат ван хатӆап тыӆась хольмаӊ пеӆа нийӆмет хатӆ унты рупатайӆаӆ вантты верытӆат.
Кашӊ порайн симась тахая няврэмат, вошаӊ па мойӆыты ёхтыӆыты хоятат яӊхӆат. Ма ликапсам, хун ханты нэӊиев пиӆан рупитты хоятӆаӆ рупатайӆаӆ вантты ёхтыӆысат па мастер-классан пиӆтасьсат.
Кашӊ порайн симась тахаятан уӆман, нумасӆам, муй сирн катра порайн нэмоӆты воӆаӊ вератты пормас ант тайман, юх, ӆов, щашкан, сак эӆты умась пормасат тыйиӆысат. Там пора тусаӊ ёх мет воӆаӊ, умась рупатайт верӆат. Туп шеӊк самаӊа па ванан верэӆ тайты хоятат, Овс мув уӆапсаев рупайӆаӆан альты верытӆат.
Вантопсайн Александра Ларионовна хорӆаӆан Овс мувев, ханты ёх щирӆув-пищӆув этаӆтыман уӆӆат. Ӆув ханшам сохӆаӆан войт, лыптат, вонсямотат альсаӆӆы. Кашӊ хоят ханты нэӊиев верты мастер-классата ёхатты верытаӆ, симась хорамат ӆэсятты.
Альбина Тырлина ханшам потар
Авторы
Лух Авт
Темы