Лух Авт
Партон аматты пора ёхтас
Ямал мувна мет алаң прививочный компания грипп эваӆт щёхар тыӆащ алңмет хатӆ эваӆт пинтщас. Алаң вакцина партия — щит 86 доза «Совигрипп», «Ультрикс Квадри», па «Флю-М» мули округна ёхтаптасайт.
Леккарат хутъёң процент арат нэңху партонна понта вутщиӆат. Мет алаңна щит, хой нэңхэт пиӆна ропытӆат па мосаңңи сара йита: леккарат, ашкоӆайна ропытты нэңхэт, нявремат, щёктат олты ныңат, хой хронической мосат тайӆ па вуӆ пелак нэңхэт. Аратэӆна холамсат щёрс нэңху привикайна аматӆа, мета маса ӆув эваӆтыӆаӆ нявремат.
Леккарат мет ям партон аматты пора лавсат, щит сусн, холна сэңк ищки ант ол, па каврам хатӆат манӆат, щитна прививка контат манӆ.
Касаң округ леккар хатна привика аматта рахта питӆ, щи ораңна алаң эваӆт хансантта ант масӆ. Щи томпына нявремат ораңна выездной бригадайт ӆэщатӆайт.
Вера Лонгортова хансам потар
Авторы
Лух Авт
Темы