Лух Авт
Педагогической отделение сот пеӆа вет таӆаӆ постаӆ
Курк тыӆащна Ямальской многопрофильной колледж педагогической отделение сот пеӆа вет таӆаӆ постаӆ. Пулӊаватна мет алаӊ национально-педагогической техникум курк тыӆащ 14-мет хатӆна 1932-мет таӆна уваӆ пунсас.
Мет алаӊна щита камантсы подготовительной класс ос, топ кат таӆ манман мет алаӊ волаӊ курс пунсса. Щиты олман 1935-мет таӆна техникум училище нэмна маса. Щи таӆ холна кат предмет пунсса, онттыды па нарасӆаты. Щита ропытты нэӊхэт онттыды нявремат пиӆна журнал верта питсат па аканяӊ нёхты хорат эттысат. Мет алаӊ дипломат 1938-мет таӆна ӆапат выпускник ясна пайтсат. Алаӊ номерна амтам нэпек Иван Григорьевич Истомин эӆты маса.
Щи кеша, там ванан Ямальской многопрофильной колледжа, щита онттыйм нэӊхэт актащисат, Нина Михайловна Егерь щимащ уйтантопса верас. «Ма тата щимащ нэӊхэт акатсам, хой карра училище хат питаратна олапсы ашкоӆа манас. Щиты ияха актащиман, самна мет хасам хатӆат номлатта рахал. Касӊ нэӊху онттыям мет ям хатаӆӆаӆ пуляӊ лаваӆтас, карра хорат вантысу. Энамты нявремат ораӊна тамащ уйтантопсайт ищи вуӆ онтас верӆат, вуӆ пелак нэӊхэт пиӆна уйтантыман, ищи холантман онттыӆат», — Нина Михайловна лавас. Там уйтантопса онтасна йиӆап щират-пищат ораӊна уват ат пунсанӆат, уйтантыта ёхтыӆыйм нэӊхэт ораӊна па мет ар нави хатӆ ат ол.
Вера Лонгортова хансам потар
Авторы
Лух Авт
Темы