Лух Авт
Передовика ӆуӊтасаӆ
Евгений Владимирович Ковалёв Асов рыбоучасткан хуван хуӆ веӆпасӆыман уӆ, передовика ӆуӊтасаӆ. Ӆуӊ сыс мет ар хуӆ мосятас. Ас ӆоратан хоӆапӆаӆ опсыӆысӆы.
Хота па хун рупитты питас ясаӊ тус: «Кашӊ порайн Асан хуӆ веӆман уӆӆам. Ма асем Владимир Иванович Ковалёв хольмаӊ таӆ моӆтас Асован хуӆ веӆпасӆаты хоята рупитас. Яма рупитмаӆ ураӊан, Почётной грамотаятан, значокан мийӆыса. «Ветеран труда», «Двадцать лет Победы в ВОВ. 1941-1945» меваӆ посатан юкантман ус.
Асем хуӆам пуш рупитты хоятӆаӆ пиӆан Яптик-Сале сярс мув лепа Ас нёӆтая селька мосятты китыӆысайт. Хоӆна йи пуш Балбанты тува Приуральской района хуӆ веӆпасӆаты яӊхсат.
1990-мет таӆатан аӊкем-асем вой энмаӆты питсаӊан. Ун аӊкем па аӊкаӊкем па вой тайсаӊан. Аӊкем — Галина Ивановна Ковалёва распределение хуват ты ёхтас. Садик куся нэӊа, утхот куся ӆаӊкар нэӊа ус.
Ма ай пора эӆты асем пиӆан хуӆ веӆпасӆыман усам. Армия эӆты ёхатмем юпийн, мохты хуӆ веӆты мантсам. Сяӆта вой леккара утаӆтысам па сита рупитсам. Си юпийн пожарника усам. 2012-мет таӆ эӆты хуӆ веӆман уӆӆам. Хоӆна мисат, ӆунтат, сиськурэкат энмаӆӆам».
Альбина Тырлина ханшам потар
Авторы
Лух Авт
Темы