Лух Авт
Пешиет омасты пора
Тови. Ас нопатты тыӆащ. Там тыӆащ кимет щиран суюв омасты тыӆща аяӆӆа. Там порайн тащан арпелак пешиет сэма питӆат.
Тыӆащкема йис, хоты вуӆэң ёх Кев пеӆа касаӆты питсат. Там тови Иван Лонгортов Надежда ийимеӆ пиӆан Мужи вош эӆты МСП «Мужевское» няӆмет тащ пиӆан касаӆсатан. Ӆын суюв омасты хотвоӆ унты ёхатман, щиӆта ёхӆы воша ӆонщхопан мантсатан.
«Там пуш мин имем пиӆан Вячеслав яйем тащ хотан касаӆсаман. Ӆув щита бригадира уӆ. Ин ӆув тащеӆ Яңкарма нюрма ёхтас. Нэ вуӆыӆаӆ ин артан омасты питсат, щишан тыӆащ хоӆаты унты тащеӆ щита тайты питӆэӆ. Суюв омасты тахаятан ёх тащӆаӆ ёхӆышак кератман тайӆаӆӆаӆ, ох вуӆыӆаӆ еӆӆы ант эсаӆӆаӆӆаӆ, Кев пеӆа ант ат манӆат. Ай вуӆыет ванты хоӆна манты щём ант тайӆат.
Там таӆ ӆонщ ар, щишан нэ вуӆэт ӆавартан омасӆат, суювӆаӆ хащӆат, куӆ ӆонщ хуват яңхты юр ант тайӆат.
Ин няӆмет тащ хотэӆ Нёта нюраман ӆойӆ (карта хоща Лаптапай нюрам ханшман уӆӆа). Щита уӆтэӆ эӆты, ват ухӆа кирты хоптыӆаӆ еша щутщаӆат. Мохет ӆуң кеша нянь сораӆтӆат».
Валентина Рохтымова ханшам потар
Авторы
Лух Авт
Темы