Лух Авт
«Полярный круг» полумарафон хоща хансантаты
Ямал мувна «Полярный круг» полумарафон хоща хансантты регистрация пунсса. Ӆув щёхар тыӆащ алаңмет хатӆна Пулңаватна олта питӆ. Щита нёхамтыты ораңна холам таӆ эваӆт хансантта рахал, топ леккар хат эваӆт мос ант тайты нэпек вута масӆ.
Нёхамтыта ӆытты нэңхэт заявка унт ӆор тыӆащ 31-мет хатӆ маса сайт хуват китта веритӆат. Касаң участник хырна маӆа — щита футболка, юкантам номер, па па майӆапсы пормасат.
Нёхамтыты ёсӆ «Геолог» эваӆт пинтщаӆ па Матросова васхули, Объездной, Энамты нэңхэт проспект хуват манта питӆ, щиӆта «Парк Победы» хоща па финиш. Касаң нэңху медаль сытӆ.
Алаң таха вуты яхат па ныңат, хой 21.1 километра нёхамтаӆ, майӆапсы тынаӆ 55 щёрс эваӆт 100 щёрс маса. Хой 10 па холам километрая нох этаӆ йи щёрс эваӆт 18 щёрс маса майӆапсы тынэӆ. Мет ван дистанция, щит ветсат метра, щита майӆапсэӆ топ медаль.
«Полярный круг» полумарафона касты ораңна ох сохаптата масӆ, ветсат соӆкува эваӆт кат щёрс маса, тынӆ нёхамтыты километра эваӆт лайӆ. Щита акатты охат аса благотворительность хоща манӆат. Туняӆ 380 щёрс актыӆыса, аса «Ямине» фонд хоща китсайт мосаң нявремат ораңна.
Вера Лонгортова хансам потар
Авторы
Лух Авт
Темы