Лух Авт
Пришкольной лагерята ханшӆтыты пора ёхтас
Округев хуват там ӆапат эӆты, луңан ашкуӆайн рупитты лагерята няврэмат ханшӆтыты рахаӆ.
Там пуш кашң сменая няврэмат ун кер тыӆась хольмаң пеӆа хуӆмет хатӆ эӆты «Госуслуги» порталан, МФЦ хотан па ашкуӆайн нэпекат маты верытӆат.
Округеван сот сменайн 7200 няврэм сютсийӆ. Ветсот нийӆъяң пеӆа кат няврэм утаӆтыты хоят па хус студент рупитты питаӆ. Хуӆам ӆуң тыӆась сыс няврэмат ураңан касапсайт, уйтантопсайт, акцияйт, слётат ӆэсятӆайт. Эвет па похат сита ӆапатӆайт, ар хорпи тахаята тутӆыӆайт.
Оӆаң смена ущ тыӆась хуӆмет хатӆ эӆты пуншӆа. Хой утсийӆ, кимет сменаята па ханшӆтыты верытаӆ.
Альбина Тырлина ханшам потар
Авторы
Лух Авт
Темы