Лух Авт
Район грант ох ёша пайтсат
Там йисан ёра рупатайн рупитты хоятат иса нётман тайӆайт. Грант ох ёша пайттыя арсыр касапсайт верӆайт. Там ванан ӆапат хоят сот щёрас соӆкува арат Ӆорвош район грант ох нётапса шитсат.
«Хащам ӆапатан ёра вер туты хоятат кутан манам касапса етшас. Атэӆ вер пунштыйн, там шеңк ям нётапса. Кашң таӆ щимащ хоят арашак йиӆ. Там хатӆ районэван ветсот пеӆа ветъяң хоят щиты рупитаӆ. Рупатайӆаӆ па арсырат. Хой, войт па муван энамты ӆэтотат энмаӆаӆ, тухӆат охсох ӆортӆат па кушкар нёсытӆат. Сох, ӆэтот ӆапкайт, портун тыныты хотат пуншӆат. Хот омасты мув хуватаӆ артаӆаты вер верӆат па шукаӆам телефонат, телевизорат ӆэщатӆат. Нэпекат касапсая маты хоятат кутан шеңк ар айӆат ёх, щит шеңк ям. Ёра вер пуншты хоятат верэӆ еӆӆы тутыя юрэӆ ат тармаӆ па рупатаеӆ яма ат тыйӆ», — Ӆорвош район куща ху Олег Попов ястас.
Зоя Куртямова ханшам потар
Авторы
Лух Авт
Темы