Лух Авт
«РОССИЯ – МИР ХОТТЭЛ»
Тамхатӆ Пулӊават вош хоятат Национальной библиотекайн диктант ханшсат. Там потар Расул Гамзатов ханшиӆыйс, Зоя Куртямова ханты ясӊа тоӆмащсаӆӆы. Альбина Тырлина хор верас.
Ма рут ясӊем! Наӊ ма тащем, наӊ ма щунем, аратаӆ муш эӆты портун. Ма самеман тэӆыя ар, ма турсый тайӆам. Щи турсый — наӊ, ма рут ясӊем.
Ай няврэм иты, ёш эӆты катаӆман, уӆапса вантты, наӊ манэм хоятат хоща тусэн. Ма па уӆты мувем эӆты еӆӆы потарӆам. Наӊ манэм Похатур хоща тусэн, ӆув нэмаӆ — воӆаӊ рущ ясаӊ. Ӆув ищи манэма рут ясӊа йис. Ӆув манэм кимет ёшем эӆты вусӆы па па мув суӊат вантты тусӆы.
Кашӊ ханшам нэпекеман ма рут мирэм кат аӊки тайӆ. Оӆаӊ аӊкем — ма рут мувем. Тата ма сэма питсам, тата ма рут ясӊем хуӆсэм, потарты питщасам, ӆув ма вурэма, ма ӆыпема ӆыӆӆаман уӆ. Тата ма рут ясаӊан арыты ар оӆаӊ пуш хуӆсэм. Щаӆта па ишканщап арэм арэмасэм. Тата ма нянь па йиӊк вурт моштасам. Камн пуш кев вурама хуӊхман, ма курӆам кева хойӆысат, вура ӆыӆӆысат, рут мувем йиӊкатан па торнатан яммаӆсайм.
Кимет аӊкем — Россия хон мувем. Энмаӆсайм, юран масайм, хува манты юша тусайм, мир ӆоват уӆапсайн альсайм.
Кат аӊки — юр маты кат тохаӆ, кат ёш, кат сэм, кат ар. Кат аӊки хошам ёшатан охем хуват вощхисайм, мосты порайн паӆӆам эӆты таӆӆысайм. Пох щиран кат аӊкем ещаӆ ма шанша ӆойӆам.
Расул Гамзатов
Авторы
Лух Авт
Темы