Лух Авт
Рупата ӆыпийн манты касты хар
Хоятат кашң хатӆ нёхты хорат вантӆат па нэпек ӆуңатӆат, хой рущ ясаңан, хой рут ясаңан. Вантты порайн, нэмоӆты хоят ант нумасаӆ муй арат хоят рупитаӆ па муй арат юр мосаӆ понты, каматса минута манты нёхты хор верты ураңан.
АНО «Ямал-Медиа» хоща тэлые хоят рупитаӆ, рупатайӆаӆ ар хорпет, туп хоӆыена йи ун рупата верӆат: хорам нёхты хорат, ӆуңатты газета лопсат па волиты жураналат, радио щиран хуӆантты потрат, монщат, ӆуңтарат сэман вантты, хуӆантты па ӆуңатты щира яма ӆэщатӆат.
Хоятата альты рупата верты тумпийн, рупатаеван ищи касты хар верса. «Ямал-Медиа» ӆыпийн рупитты ятат кутан кашң хоят похал ӆув рупатаеӆ эӆты потар туӆ па нёхты хор аляӆ. Яха рупитты хоятат, кутӆуван ищи ат уйтӆат, хой муй вераӆ, муй верты хошаӆ, холща нётапса рахаӆ вохты, мосты хор-потар хота каншты.
Ас потты тыӆащ хольмаң пеӆа оӆаң хатаӆан рут ясңатан нёхты хор верты мохет ӆув рупатаеӆ ишаксэӆ. Щита ветхощъяң хоят рупитаӆ, вет рут ясаңан потар туӆат, хор па кина ӆэщатӆат. Яӆап щиран кина вуты верэӆ па щиран кератса, там йисан подкасты нёхты хор этаӆтаӆат. Кашң рут мир ӆув ясңаӆан па рущ ясаңан рупатайӆ верӆаӆӆы.
Щимащ ван кина шупиет телефон ӆыпийн, «ЭтноАрктика» группая ханшӆтантыман рахаӆ вантты. Муйкем аршак хоят вантаӆ, мет ям. Щиты Хон мув хуват па па муватан иса ат уйтӆат хоты муң округеван хоятат уӆӆат. Ясаң ант уйтты хоятат вантӆат, хуӆантӆат, ӆуңатӆат па утаӆтыӆат. Щиты ясңев па уӆапсаев еӆӆы туӆэв.
Зоя Куртямова ханшам потар
Авторы
Лух Авт
Темы