Лух Авт
Рут ясңаӆ самаӆан тайӆаӆӆы
Югра муван «Ханты ясаң» па «Ӆуима сэрипос» ханты па охаль ясаңңан яха пиӆтащам редакцияйн хус моӆтаскем таӆ Владимир Егорович Енов рупитаӆ. Ӆув 1967-мет таӆан Ас нопатты тыӆащ ветхощъяңмет хатаӆан хуӆ-вой веӆпасӆаты хоттэӆан сэма питас. Ай тэӆан ун ащеӆ, ун антеӆ хоща энамман рут ясңаӆ самаӆан тайӆаӆӆы.
Ашкуӆа етшас па Германия мува соӆтана тутӆыса. Ехи ёхатмаӆан, Асов куртан Горковской рыбозаводан хуӆ веӆпасӆаман рупитас. Томской педагогической институтан рупата пеӆа утаӆтымаӆ юпийн, няврэмат утаӆтаты хоята рупитты питас.
Ин ӆув Ёмвошан уӆ, «Ханты ясаң» газетайн рупитаӆ. «Ӆух Авт» газетаева ясңат китаӆ. Щи тумпийн ӆуңатты нэпекат, потрат, ӆуңтарат, монщат ханты па рущ ясаңан ханшаӆ. Энамты няврэмат пиӆан уйтантыйӆ, ханты хоятат па ӆув уӆапсаеӆ эӆты потартаӆ. Рупата щиран потрат акатман шеңк ар яңхаӆ па аӆ хоятат пиӆан уйтантыйӆ. Ӆув ханшам книгайӆаӆ саран, мордовской, удмуртской па марийской ясңата толмащман уӆӆат.
2023-мет таӆан «Лауреат премии Ханты-Мансийского автономного округа — Югры «За развитие культуры малочисленных народов Севера» воӆаң нэман юкантса. Рут ясаң пиӆан иса рупитман, шеңк ар мойӆапса нэпекатан па меваӆ посатан мойӆаптаман уӆ.
Зоя Куртямова ханшам потар
Авторы
Лух Авт
Темы