Лух Авт
Рутӆаӆ вер еӆӆы туӆ
Андрей Валерьевич Кельчин Ӆорвошн Ас потты тыӆащн 1980-мет таӆн сэма питас. Щита ашкуӆа етшаптас па армияя соӆтана китса. Кат таӆ войска связи хоща ус, оӆӊа Хон Петра вошн па щаӆта Магадан воша китыӆыса.
Соӆтан эӆты ёхатмаӆн еӆӆы утаӆтыты номас понас. Ванты, ӆув опиӆаӆ леккар хотатан рупитӆат. Щишан щи Пулӊавта нэпекӆаӆ пиӆан манас. Медицинской колледж хоща хуӆам таӆ утаӆтыйс па 2004-мет таӆн фельдшер щира етшаптас. Ищи таӆн Ныда нэмпи ай воша рупатая китса. Хуӆам тыӆащ рупитам юпийн, Надым вош скорой помощь хоща вохса.
– Надым вошн ма ӆапаткем таӆ рупитсам. Хоятат яммаӆман, рупатаем шеӊк самаӊа тайты питсэм. Уӆапса кашӊ хатӆ хун йи хорпи, хой порайн муш хонщапса ёхатӆ, хой порайн атмащ раканты верытӆа. Мет оӆӊа муӊ щи ёхатӆув, — фельдшер Андрей Валерьевич ястаӆ. — Еӆӆы уӆапсаем щиты манас па ма Ёмвоша касаӆсам. Щита 11 таӆ Центр медицины катастроф хоща рупитсам.
Кимет муван уӆман, ӆув самаӆн ёхӆы, рутӆаӆ уӆты мува таӆты питса. Ӆорвош районаӆа, программма «Земский фельдшер» щиран, ёхтас. Ун кер тыӆащ 2022-мет таӆ эӆты Мужи вош отделение скорой помощи хоща рупитаӆ.
Иван Сандрин ханшам потар
Авторы
Лух Авт
Темы