Лух Авт
Щаня ёхан муван ищи пирассат
Па ӆапатан, 15-17-мет хатӆатан, Россия Президент пирыӆув. Округан там вер яма постаман па верман уӆӆа. Кашң понам хоят ӆув рупатайӆ туңа щира туӆӆы.
Ямал ӆоватан пирасты харатан набӆюдателят рупитты питӆат, аратаӆан 600 хоят. Там хатӆатан ӆув туңа щира утаӆтасайт, общественной штаб рупитты питаӆ, электоральной экспертат похал ищи рупатайӆ уйтӆаӆӆы.
Ай курататан, тащ хотатан, хуӆ веӆпасӆаты тахаятан хоятат ёш пос понтсат, хой ӆув щирэӆан Президента уӆты вераӆ уӆ. Щи рупата курк тыӆащ 25-мет хатӆ вуш эӆты туты питса.
Ӆорвош районан Щаня ёхан муван аӆаңшак пирасты вер пуншантас. Хащам ӆапатан куртаң па тащ хотаң хоятат голосуйтсат. Щит Нымвошкурт, Овоӆың, Тыӆтам, Мувкурт, Ёхантай куртат па щаӆта хуӆмет, няӆмет, ветмет тащ хотан уӆты хоятат.
Щи тумпийн «Уютный Ямал» викторина хоща ищи пиӆтащисат, инщасапсайт хоща туңа щира мосты посат понтсат. Викторина вопросӆаӆ «Хоттэт таӆ» эӆты уӆӆат. Кашң 59 пирасам хоят вератаӆ моӆты шитты (выиграть). Мет ун шитопса — щит хот. Щи тумпийн хонна каман хорпи мойӆапса рахаӆ шитты: велосипедат, телевизорат па па пормасат.
Щишан, хоӆ пирасты хара яңхаты, па ёш пос понаты. Щит эӆты муң еӆӆы уӆапсаев ӆойӆ.
Людмила Рочева ханшам потар
Авторы
Лух Авт
Темы