Лух Авт
«Семья Ямала» пиӆтащиты хар пинтщас
Касӊ таӆ манты муниципальной этап «Семья Ямала» пиӆтащиты хар пинтщас. Щи ораӊна вахлайт хаттэӆат, хой волонтёрской па патриотической движенияя пиӆтащийӆ, вас олапсы ванна тайӆ.
Касты хара пиӆтащиты хаттэӆат организацийт, предприятийт па общественной объединенийт китта веритӆат. Нэӊху эӆты щи ораӊна масӆ Россия гражданство тайта па иёлты Ямал мувна олта, нявремат энмаӆта па маса хой мули нявремӆаӆ энамсат.
Йиӆап йиты таӆ эваӆт округ воӆаӊ хаттэӆ пиӆтащиты хара ёӊ номинация эттаӆа. «Ар нявремаӊ хаттэӆ», «Энамты хаттэӆ», «Династия года», «Амыӆы-ащиӆы хыщам нявремат энмаӆты хаттэӆ», «Преодоление», «Золотая семья года», «Мет касты хаттэӆ», «Творческой па Сельской хаттэӆӊан», тампус холна «Семья Ямала» хоща «Семья защитника Отечества» номинация лоӊал.
Касӊ муниципалитет эваӆт йи хаттэӆ пиӆтащита веритаӆ. Алаӊ этап ай кер тыӆащ 1-мет хатӆ маса манта питӆ. Нох питам хаттэӆат нэмат Ас нопатты тыӆащна лавӆайт.
Там пиӆтащиты хар округна 2014-мет таӆ эваӆт верта питса. Катхощъёӊ таӆ сыс 475 заявка китса, ӆув эваӆтыӆаӆ 73 хаттэӆ лауреата йисат. Касӊ нох этам хаттэӆ катсат ветъёӊ щёрас соӆкува сытаӆ.
Вера Лонгортова хансам потар
Авторы
Лух Авт
Темы