Лух Авт
Шимӆаң мир энамты ёх форум манас
Хуӆмет пуш Пулңават вошан «Российский Север» форум верса. Хон мув хус регион эӆты няӆъяң пеӆа вет шимӆаң мир яха уйтантысат. Хутсот нэпек китам хоят эӆты туп сот хоят пирыса.
Там таӆан манты фестиваль еша па сирн манас. Там уйтантопса форум-фестиваль нэм тайты питаӆ. Томской государственной университетан российской история кафедрайн доцента рупитты ху Николай Качин ясаң верас: «Там форуман программной кусяя уӆӆам. Вет направлений хуват рупитсув: «Сохраняйязыки», «Продвигайнародное», «Вдохновляйтворчеством», «Создавайконтент», «СтаньлидеромРоссийскогоСевера».
Шимӆаң мир ёх якат па арат яха ӆэсятты лот рупитас, медиа-харан шимӆаң мир ёх эӆты нёхты хор версат, рут ясңат пиӆан рупитты тахайн, рут ясаңӆув шавиты па еӆӆы туты ураңан, ар хорпи методикат хуват рупитсат, мультфильм ӆэсятсат. Медиа-маркет блокан утаӆтасайт, хоты ӆув ӆэсятам пормасӆаӆ, ёнтам сохӆаӆ интернет хуват тыныты хошты мосаӆ. Лидерат трэкан энамты депутатат, организаций кусяйт усат. Хоты энамты ёх пиӆан рупатайӆ верты, проектат ӆэсятты нётты па хоятат пиӆан рупитты, утаӆтасайт.
Там уйтантопсая ёхтыӆыйм энамты ёх, муй номас оша понтсат, ат ӆэсятӆат. Муй ӆаваӆсат, ма нумасӆам, уятсат. Муй ӆувиӆаӆа мосаӆ, там харатан иса альсайт, утаӆтасайт, туп вера. Хун уӆты тахайӆаӆа ёхатӆат, тата вантам, утаӆтам отӆаӆ еӆӆы ат туӆӆаӆ».
Альбина Тырлина ханшам потар
Авторы
Лух Авт
Темы