Лух Авт
Шимӆаӊ мир энамты ёх яха уйтантыӆат
Хуӆмет пуш Ас нопатты тыӆасян Пулӊават вошан шимӆаӊ мир энамты ёх хон мувев хольмаӊ пеӆа нийӆ регион эӆты яха уйтантыӆат.
Ас нопатты тыӆасян хольмаӊ пеӆа оӆаӊмет хатаӆ эӆты хольмаӊ пеӆа няӆмет хатаӆ унты ёхтам хоятат ураӊан утаӆтаты, сютсяты харат ӆэсятӆайт. Ай тахайт потты тыӆась оӆаӊмет хатаӆ унты нэпекат китты рахаӆ. Форума научной, общественной организацияйт эӆты хоятат, вератты ёх па этноблогерат ёхатӆат. Ияха шимӆаӊ мир рут ясӊат, уӆапса, рут мир инсясапсайт ӆэрапты па туӊмаӆты питӆат.
Муӊ округеван си уйтантопса хуӆмет пуш верӆа. Ар пелак энамты ёх антом оӆаӊ пуш ёхтыӆыӆат. Форуман ӆэсятам проектат уӆты тахайӆаӆан этаӆтыӆат. Кимет, хуӆмет пуш ёхтыӆыты ёх спикерата уӆӆат. Яӆпа ёхтам няврэмата альӆат, хоты ӆув проектӆаӆ ӆэсятысат, хоты ӆувиӆаӆ туӊа сира верты мосӆат, утаӆтыӆӆаӆ.
Симась тахайн шимӆаӊ мир энамты ёх проектат ӆэсятты ураӊан Росмолодёжь эӆты грант охат шитты верытӆат. Хасям таӆан вет хоят млн моӆтас соӆкува шитсат. Хасям таӆ эӆты си уйтантопса кашӊ порайн округеван манты питаӆ.
Альбина Тырлина ханшам потар
Авторы
Лух Авт
Темы