Лух Авт
Шимӆаӊ мир хоятат хоща яӊхас
Там ӆапатан Ямал губернатор Дмитрий Артюхов Пуровской район Харампуровской нюроман уӆты Агичев хоттэӆ хоща яӊхас. Кашӊ ӆуӊ 2022-мет таӆ вуш эӆты ӆув касӆыман яӊхты мохет хоща мойӊа уӆӆыйӆ.
Агичев хоттэӆ Пуровской районан шеӊк яма уйтӆа. Ӆув тащ шавиӆат, вой-хуӆ веӆпасӆаӆат, щукщатӆат. Мет воӆаӊа щита Лилия Кантлевна Агичева уӆ. Ӆув хуӆ па веӆпасӆаты мохет хоттэӆан сэма питас. Унтан уӆты урат па ёрӊ ёх эӆты рутӆаӆ уӆӆат. Унтаӊ уӆапса щир шеӊк яма уйтӆаӆӆы.
Ийикеӆ антома ювам юпийн ӆув атэӆ вет няврэмаӆ пиӆан хащас. Ун похаӆа щи порайн няӆхощъяӊ таӆ ус. Уӆмаӆ сыс няврэмат кочевой ашкуӆа щиран утаӆтасӆы. Хуӆам похаӆ па кат эвеӆ эӆты ин хуӆамхощъяӊ хиӆы тайӆ. Ӆувиӆаӆа верыттаӆ кеман иса нётаӆ. Ӆув ищи нюроман уӆӆат. «Верхне-Пуровской» совхозан па «Пуровской» общинайн рупитӆат.
Кат хатӆ сыс тащ акатсат, ӆэтот каварсат, ётлащсат, хуӆ веӆпасӆасат. Щи тумпийн аратаӆ мир Совет старейшин хоща актащисат. Щита потар манас, хоты там хатӆатан энамты няврэмата еӆӆы нётты мосаӆ. Сох юкана няврэмат мосӆат сертификататан мийӆыты, щи порайн ӆув ӆувиӆаӆа мосты ӆумтам ӆутты верытты питӆат. Леккар ӆаращат яӆпитсайт. Па еӆӆы хатӆатан нумасӆа, нюроман уӆты мохет па мув суӊата щутщаты китыӆыты. Щи порайн ӆув кушкепа еша ёӆта рупата эӆты щутщаӆат.
Тамиты яӊхман округ кущаев аршак шоши мир уӆапса эӆты уятаӆ, муй хорпи нётопса мосаӆ — иса постаӆ. Щи веран, мосаӊ, аратаӆ уӆапса кенашак йиӆ.
Аллина Тоярова ханшам потар
Авторы
Лух Авт
Темы