Лух Авт
Шимӆаӊ рут мир уӆапса туты ёх пирысайт
Там таӆэв Хон мувев ӆоватан арсыр рут хоят ияха пиӆаӊа уӆты щира постаман уӆ. Щи ураӊна Ямал мувеван уӆты шимӆаӊ рут мират кеша касапса ӆэщатыса, хота айӆат ёх па хоттэӆ хоятат альсат хоты йис верат, монщат, ӆоӊаӆтопат еӆӆы туӆат. Там тыӆащ 17-мет хатаӆан нох питам хоятат нэмӆаӆ ястасайт.
«Душа народов Ямала» касапсайн хуӆам номинаций понман уӆ — хантэт, урат па ёрн ёх кутан. Ур ёх эӆты Евгений Худи нох питас. Ёрн ёх эӆты Татьяна Куболева мойӆапса шитас. Хантыӆув кутан Геннадий Кельчин пирыса. Ӆув хольмаӊ моӆтас таӆ ханты ясӊаӊ газет ӆэщатман рупитас па артан рущ монщат ханты ясӊа толмащсаӆӆы. Щишан, Овс мув шимӆаӊ мир хоятат кутан шеӊк яма уйтӆа.
Ямал мувеван ар ям хоттэӆаӊ хоятат уӆӆат. Ӆув няврэмӆаӆ вещката энмаӆӆат па шоши уӆапса еӆӆы туӆат. «Семья народов Ямала» щиран хантэт эӆты Эдуард па Марина Сандринӊан нох питсаӊан. Ур ёх кутан Вячеслав па Вера Вануйто пирысайӊан. Ёрн ёх эӆты Константин па Анастасия Калины оӆаӊ места шитсат.
Айӆат ёх кеша «Лучший авторский проект» нэмпи касапса ӆэщатыса. Щи щиран кат нэ нох питсаӊан. Мужи вош эӆты Анастасия Тасьманова «Ханты ёнттотат» проект китмаӆ. Анна Кукушкина Надым вош эӆты няврэмат кеша оляптаты нэпек ӆэщатмаӆ — «Колобок на Ямале» нэмн понмаӆ.
Тамащ касапсайт кашӊ таӆ ӆэщатыӆайт. Ин там пора унты сот моӆтас хоят мойӆапсайт шитыӆысат. Нын па папуш тамащ касапсаята пиӆтащияты па шоши рут мирэв пеӆа онтас вераты.
Иван Сандрин ханшам потар
Авторы
Лух Авт
Темы