Лух Авт
Сибирской язва эваӆт партонна аматсайт
Таӆ пинтщам итна ветсат щёрс молтас каӆаӊ сибирской язва эваӆт партонна аматсайт. Мет вуӆ ропата Ямальской па Тазовской район йирӊанна манас, щита 380 щёрс молтас каӆаӊ партонна аматса, щит таӆ план эваӆт 70% арат. Итта прививочной кампания Пуровской па Приуральской районна манӆ.
Тампус муӊ региону хуват хоскем прививочной бригада ропытас. Ямал мув губернатор Дмитрий Артюхов онтасна, кимет таӆ партон аматты сыс шоши мир нэӊхэт ропытӆат. Ӆув кораль верӆат, каӆаӊат пасна аматты порайна па каӆаӊаӊ нэӊхэт ропата туӊматты тахайна нятӆат.
Ӆорвош район хуват манам кампания мули естас. Тампус щита холамхощъёӊ щёрс арат сельхоз па щиреӆ тащна олты каӆаӊат партонна аматсайт. Ампат па ант ярэмасайт, солвай па бешенство эваӆт партонна понтсайт.
«Ветеринарной служба каӆаӊ хататна верты ропатайӆаӆ етсата питсат. Бригадайт тампус сэӊк вуӆ ропата версат. Щи томпына, пилотной проект онтасна 850 хаттэӆ эӆты ветеринарной наборат масат. Папус щита холна антимикробной па антигельминтной партонатна нятӆайт», — Ямал мув вай леккар хат коща Евгений Попов лавас.
Вера Лонгортова хансам потар
Авторы
Лух Авт
Темы