Лух Авт
СВО ляль хара нётап
Кашӊ хоят, хой муй щиран верытаӆ, СВО нэмпи ляль харан уӆты хоятӆува нётапса вераӆ. Хой мосты пормасат акатаӆ, хой хоӆпат сэваӆ, хой па пошканат китаӆ.
Герман Романович Сандрин тайм кат пошканаӆ па 118 нёӆ лялясты хара китсаӆӆы. Хоты ӆув ястаӆ, мет катра, йи турпи ИЖ-18 пошканаӆ Юрий Неёлов утаӆтыты нэӊаӆ эӆты, 1999-мет таӆан ӆутсаӆӆы. Шеӊк кен па тус пошкан уӆмаӆ. Кимет отаӆ — вет пуш йи эӆты нёӆ эсаӆты «Сайга-12» нэмпи пошкан. Ӆувиӆаӆ Волноваха эӆты ёхтыӆыйм соӆтан пиӆан пошканат тохи китсаӆӆы.
– Ма рутӆам кутан ляль манты харан ар хоят уӆ. Оӆаӊ таӆан щита ма ун опем хиӆы паратса. Щаӆта, туняӆ па уртэм антома йис, — Герман Романович ястас. — Па мув, атом соӆтанат пеӆа, щикем ликем этаӆ. Муя ӆув яма уӆты ант ӆытӆайт? Ма нумастэман, мийм пошканӆам муӊ соӆтанӆува нётап па онтас верӆат. Атом ляль сорашак ат етшаӆ.
Альбина Тырлина ханшам потар
Авторы
Лух Авт
Темы