Лух Авт
Там ӆапатан Дмитрий Артюхов «Движения Первых» хоща пиӆтащам хоятат пиӆан уйтантыйс
Пулңават вошан мет оӆаңмет региональная конференция «Движения Первых» «Поехали!» ус. Щий 195 хоят кашң вош па курт эӆты пиӆтащас. Хуӆам хатӆ сыс энамты няврэмат туңа щира рупитсат па Дмитрий Артюхова ӆув верам проектӆаӆ альсат. Таӆ сыс верам рупата па щаӆта папуша постам верӆаӆ эӆты потарсат.
«Муң Ямал муван вутщиӆув мет оӆаңмета уӆты, щишан энамты няврэмат ямашак уӆты ураңан турамсот верат постаӆув па верӆув. Ӆувиӆаӆа кеншак питаӆ, па еӆӆы уӆапсайн там хатӆатан верты рупатаев шеңк нётаӆ.
Щишан, нынана мосаӆ, муй нын ӆаңхаӆайты, постаты па паты унты туты. Щи ураңан тамащ площадкаят верӆув, хоты там хатаӆ «Первых» конференция версэв. Кимет таӆ шупа йис, хоты тамиты актащиты питсув — 12 щёрас няврэм туп муң регионэван там вер щиран пиӆтащас. Нумастэман, еӆӆы муң ияха каш па мосты верат туӆув», — ЯНАО губернатор Дмитрий Артюхов ястас.
Катхощъяң мет яма рупитам няврэм II Всероссийской съезда российской движенияя манты ураңан сертификататан мойӆаптасайт. Ин 220 энамты няврэмат актащиты хар верман уӆӆа, хоӆта 12 щёрас хоят ӆоңас. Ӆуңан Анапайн 450 няврэм яха актыӆыса. Мосванан 190 няврэм «Россия» Вантопса-форума ВДНХ хоща яңхсат. Грантовый конкурс онтасан 50 команда 3 млн соӆкува шитӆат.
Хащам ятан «Медиа и коммуникации», «Будущее движения», «Творчество и искусство», «Береги планету», «Свое дело», «Орлята России» па «Наставники движения» нэмат хон мув ӆоватан щащӆат.
Аллина Тоярова ӆэщатсаӆӆы
Авторы
Лух Авт
Темы