Лух Авт
Тохӆаӊ хоп ӆаваӆты яӆап хотат
Таӆ соханты унты Ӆорвошан, Ныдайн па Кутопьюганан постаман уса тохӆаӊ хоп ӆатты харатан ӆавӆасты хотат омастыя. Щита мохты тыеӆ-тохеӆ яӊхты хоятат билетат ӆутты верытӆат.
Хоты вер манаӆ Кутопьюганан, щит эӆты ма телефон хуват куртаӊ куща Иван Янгорович Неркагы пиӆан телефон хуват потарсаман. «Тохӆаӊ хоп ӆатты харан там хащам ятан щимащ хот омасса. Ов харэӆ иса таӆаӊ тэӆан ӆэщатса. Ин ӆавӆасӆув, хун ЯНАО департамент имущественных отношений нэпекат мохты ӆувеӆа вуӆэӆ. Мосты нэпекат ӆэщаӆаты юпийн, тохӆаӊ хоп яӊхты верытаӆ. Щишан куртаӊ хоятӆув манты юшеӆ пуншантаӆ», — Иван Неркагы ястас.
Туняӆ щимащ хотат хут куртан омасман усат: Антипаюта, Гыда, Овкурт, Горка вош, Питӆор па Новый Порт. «Развитие транспортной инфраструктуры» региональной программа онтасан щимащ хотат омасӆайт. Ин хуӆамхощъяӊ куртан рахаӆ электронной билет ӆуттыя. Щи онтасан куртаӊ мир уӆапса па кеншака йис.
Аллина Тоярова ханшам потар
Авторы
Лух Авт
Темы