Лух Авт
Тонты каварты вер альты ёхатсат
Ущ тыӆащ ветхощъяӊмет хатӆ эӆты хольмаӊ пеӆа оӆаӊмет хатӆ унты Канащ похаӆан «Тонты хот» семинар-практикум манаӆ. Ёмвош округ па Пулӊават эӆты тонты пиӆан рупитты тус ёшаӊ хоятат там уйтантопсая нэман вохсайт.
Утаӆтаты ӆарпитам харан хоятата потарӆа, хоты па муй порайн тонты унтан акатӆа. Альӆа, муй щиран щи лопсат сыстаптаты па кавартты мосаӆ. Тонты эӆты верам хот лаӊкты сохаӆ таӆаӊа йитаӆ ураӊан, хоты тонты эватӆа па ёнтӆа.
Тамащ утаӆтыты хара ёхтам хоятат ӆув сэмӆаӆан вантӆэӆ, муй щиран ай тонты лопсыет эӆты хот лаӊкты ун тонты сых тыйӆ. Верты верӆаӆ хора па киная вуӆайт. Щаха, пора хащтыйн, кина па хор хуват вантӆа, муй щиран тамащ пормас верса.
Там уйтантопса 10:00 щёс эӆты 18:00 щёс унты рупитаӆ. Няврэмат яӊ таӆ эӆты па кашӊ ун хоят тохи яӊхты верытаӆ. Нэмоӆты тын сохаптаты ант мосаӆ. Ёхтыӆыяты, катра пора уӆам верат вантаты па утаӆтыяты!
Зоя Куртямова ӆэщатсаӆӆы
Авторы
Лух Авт
Темы