Лух Авт
Торам пеӆа вантман артаӆас
Захар Куртямов «А.В. Ляпидевской нэмпи Омской лётно-технической колледжан» онттыйӆ. Ӆорвош район Овкурт куртна энмас, ащеӆ разъездной фельдшер, амэӆ нявремат пиӆна ропытӆ.
«Ма ай тэӆна самам авиация пеӆа таӆса, манэмна торамна яңхта щикем ям! Сэңк такан ӆытсам ощта, хоты тохлаң хапат ӆыпиӆаӆ эваӆт верман оллат. Овкурт ашкоӆа етсаптамем юпина нэпекӆам лётный колледжа авиатехник хоща китсаӆӆам. Алаң курсатна сэңк щёкат ос, профильной предметат сэңк манэм щёктат миянтсат.
Там ванан ма Пулңават «Ямал» авиакомпания хоща практика мантсам. Тохал тахайӆаӆна кон, хата щёкат», — Захар Куртямов лавас.
Каникулат порайна Захар Овкуртна па Вытвошгорт куртна яңхас, ащеӆ эӆты веӆпасӆата нятас, амэӆ пиӆна ӆуңан рэх ванщсаңан. Онттыям таӆӆаӆ сара манэмасат. Дипломаӆ ясна паиттаӆ па армияя яңхтаӆ юпина, Пулңаватна олты «Ямал» авиакомпания хоща ропытта йиӆ.
Вера Лонгортова хансам потар
Авторы
Лух Авт
Темы