Лух Авт
Тром-Аган хорасаң эвиет каш альты ёхтыӆысат
Там товийн Москва воша яңхмем порайн, Ёмвош округ эӆты Тром-Аганан уӆты Хаӆэват Пелак хантэт пиӆн уйтантысам. «Тром-Ёван мокут — Тром-Аганские ребята» образцовой художественной коллектив «Сокровища Севера» вантопсая каш альты ёхтыӆысат.
Хон мувев ар тахайт эӆты ёхтам хоятат кутан ханты хоят мохты ныӆа. Еша кепа ӆуматты сохӆув па ернасӆув па хорпет. Ван рут хоятӆув хоща вана щи хатэмиӆан.
«Тром-Ёван мокут» группайӆ хус таӆ каш верман уна йис. Ӆув хоӆна «Тром-Ёван Эви — Тром-Аганские девчата» ун эвет яңхты группа па айшак няврэмат «Канкалы — Ягодка» тайӆат. Там хуӆам группа хоты ияха па ищиты атэӆ якты па арыты верытӆат. Оӆңа ёхтам няврэмат уна ювам па рупитты питам юпийн, ищипа еӆӆы щиты щи группаеӆа яңхӆат. Арыты па якты тумпийн, вантопсайт ӆэщатӆат, саңквыӆтапан, нарасъюхан, тор сапаӆан нарасӆыӆат па куйп сэңкты утаӆтыӆат. Щита хус таӆ арат Майя Александровна Швейд куща нэңа рупитаӆ.
Еша потрэмимев кутан, мойң эвиӆам арыты па якты вохсайт. Веӆщи лыптан этам ващ нови сумат нувиет иты, каш вантты хоятат ещаӆ, эвиет арыман этсат. Арсыр хорпи тур сыйн арыман, матты ки унтан щищкет хуӆантӆан. Яктэӆ порайн па сэм тохи ольмийӆ.
Вантопса хатӆат сора етшасат. Ин эвиӆам ищи ар хоят кутан мойӆапса нэпекатан юкатсайт. Каш етшам юпийн ёхтыӆыйм мойң хоятат ёхи мантсат. Туп хоятат хоӆна хув нумты питӆат, хоты хорасаң емаң ёхан эвиет арысат па яксат.
Зоя Куртямова ханшам потар
Авторы
Лух Авт
Темы