Лух Авт
Тусӆаӆ этаӆтыты ураӊан касты хар пуншиӆыса
Кашӊ хоят ай пора эваӆт нумасас, хота ӆув еӆӆы ашкуӆа юпийн утаӆтыты питаӆ. Хой ун вошата манаӆ, хой куртан хащаӆ, хой ёӆан аӊкеӆ-ащеӆ вер еӆӆы туӆӆы, хой мосаӊ век ант ӆытӆа еӆӆы утаӆтыты манты.
Ин там порана арсыр университетат, институтат, академияйт уӆӆат. Там сыс няврэмат верытӆат па хошӆат мохты каматса утаӆтыты лотан утаӆтыты. Арпелак энамты няврэмат интернет хуват ищи япсыя утаӆтыӆат. Муӊ шоши мувеван Пулӊават вошан Ямальской многопрофильной колледж уӆ. Щий арпелак энамты хоятат ай куртат эӆты ёхатӆат. Рахаӆ яртъяӊ па ихощъяӊ класс юпиян утаӆтыты. Тата уӆты таха, ӆэты хот тайӆат. Камн специальность щира утаӆтыӆат: утаӆтыты нэӊат, ай леккарат, каӆаӊ (вой) леккарат, няврэм шавиты нэӊат, тутаӊ хопан яӊхты отат, хуӆ ӆэщатты хоятат па арсыр отат.
Ивеван колледжан камн касты лот уӆлияӆ. Там ванан ветмет пуш тамащ нэмпи Межрегиональной чемпионат в сфере нефтегазовой индустрии, традиций и ремёсел Севера «Навыки Ямала» ус.
Пулӊавта Красноярской, Оренбургской па Тюменской муват эӆты, Башкортостан па Ёмвош эӆты энамты хоятат ёхтыӆысат. Шоши районӆув эӆты ашкуӆаян утаӆтыты няврэмат па тый ёхтыӆысат, па ӆув кутэӆан ищи кассат. Наврэмат вет хатаӆ сыс камн касты харан уйтантысат па щита этаӆтысат, муй ӆув хошӆат па верты верытӆат. Тамащ касты харат усат: «Ремонт и сервис нефтегазового оборудования», с исконными ремёслами и культурой коренных народов Севера: «Национальная кухня», «Оленеводство», «Управление традиционным жилищем народов Севера (чумработница)», «Национальные виды спорта» и «Воспитатель интерната семейного типа», «Национальный фольклор».
Сот ӆапатъяӊ ун хоят щи касты лотан вантсат па пирысат, хой мет номпсаӊ, тусаӊ. Хой там касты хар лотан нох питас, щитат еӆӆы всероссийской конкурса папуш манӆат. Шеӊк ям, хун тамащ касты лот верӆа. Энамты няврэмат щимащ тахана яӆап, мосаӊ па ант уйтам айкеӆат па верат номпса понӆат. Хоят уӆтаӆ хуват щи утаӆтыяӆ, еӆӆы вуратаӆ. Вещкат па номпсаӊ хоят ивеван па хоят эӆты щи моӆты ӆэрапаӆ, инщасаӆ. Муӊ энамты хоятӆув уӆапсаеӆ щуняӊ па кен ат уӆ.
Любовь Возелова ханшам потар
Авторы
Лух Авт
Темы