Лух Авт
Ӆуӊ хуӆ веӆпасӆаты пора етшас
Там тыӆасян ӆуӊ веӆпасӆаты пора етшас. Хоты Асов хуӆ веӆпасӆаты панатан пора манас, потрэв туӆэв. Там пуш ун йиӊк хув ӆойс. Сишан хуӆ веӆпасӆаты етшаты унты хоӆпат омасман тайсайт.
Хуӆ веӆпасӆаты ёх эӆты Асов рыбоучасток куся ху Николай Николаевич Гилёв потар тус: «Ай тахайт потты тыӆась ветхосьяӊмет хатаӆан ӆуӊ веӆпасӆаты пораев етшас. Ун йиӊк ураӊан панатан вощлах. Сишан сус унты хоӆпат омассув, ант ноптаӆсув. Каматса тахайн туп вар верыӆысув.
План сирн таӆ сыс кашӊ хоята хуӆамхосьяӊ тонна хуӆ мосятты мосас. Ар пелак рупитты хоятӆув ӆуӊ сыс планэӆ тэкаптасэӆ. Ин ӆув Ас потты тыӆась хусмет хатӆ унты сютсяты питӆат. Хасям шупаӆ ай кер тыӆасян вуӆэӆ. Ин таӆ пораева пунат ӆэсятӆув, ёханатан па посӆатан веӆпасӆаты питӆув.
Мет ар ӆуӊ сыс хуӆ мосятам хоятат: Евгений Владимирович Ковалёв — 16 тонна моӆтас, Ас ӆоратан хоӆапӆаӆ опсыӆысӆы. Фёдор Николаевич Путров — 15 тонна 400 киӆа, Каневской посаӆан веӆпасас, Умпи ӆоран вар верыӆыйс. Родион Михайлович Лонгортов — 13 тонна 130 киӆа Карвошан па Машпанан ӆуӊ сыс рупитас. Олег Яковлевич Тарасов — 13 200 киӆа хуӆ ӆэсятас. Станислав Николаевич Шульгин — 13 тонна Илья куртан па Няр хуӆ посаӆан веӆпасӆыман ус».
Альбина Тырлина ханшам потар
Авторы
Лух Авт
Темы