Лух Авт
Ӆуң пришкольный лагерят ропытта питсат
Тампус ӆуң сыс ӆапат щёрс няврем пришкольной лагерятан щутщаӆ. Ущ тыӆащ смена мули пинтщас. Округ хуват касаң вуӆ васатна па ай похлатна хатӆ сыс ропытты харат пунсантсат, алаң сменая вет щёрс няврем питас.
«Алаң смена кат ӆапат манта питӆ. Нявремат ораңна каман рот ӆуң программа верса: касты харат, нявремат яммаӆтты, мув вантман яңхты нэңхэт, мув хорас верат онттада.
Сэңк ям хонты округ нявремат пущщи номасӆ, аса хонт веритӆат ӆуң сыс щарс пеӆа щутщата яңхта, ар пелак няврем тамащ площадкайна яңхлат, лохас верӆат, ентӆат.
Муң ашкоӆаю топ начальной классат тайӆ, щи ораңна ӆуң площадка хатӆ соп ропытӆ, щит алаңсахат эваӆт кат щёс маса. Охсар похална па, щит мули вуӆ ашкоӆа, нявремат щита хатӆ сыс оллат», — Зелёный Яр ашкоӆа нявремат онттады ның Эльвира Климова лавас.
Ловатӆна Ямал вуйман ӆуң сыс нявремат аӆ олта ант питӆат. Катравошна патриотической смена манӆ, Новый Уренгойна па спортивно-оздоровительной хар, Муравленко васна «ПРОмечты» профильной смена. Гыданской ашкоӆа-интернатн нявремат мув хорас онттада яңхта веритӆат, Антипаюта нявремат ораңна па, нявремат па энамты нэңхэт Российской движение смена манӆ.
Щи томпына холна начальной классатна онттыды ӆапатсоткем няврем Муравленко, Надым, Новый Уренгой васат па Ямальской район эваӆт певаӆта онттада питӆайт.
Вера Лонгортова хансам потар
Авторы
Лух Авт
Темы