Лух Авт
Ӆуңатты нэпек ӆэщатты вер
Яң таӆ хащас, хоты округеван ханшам книгайт ӆуңатты щира ӆэщатты питсайт. Редакционно-издательской комиссия щимащ рупата вераӆ. Ӆуңатты хорпия верты юпийн, книгайт округ нэпек ӆуңатты хотата па общественной организацияйт кутан лакки ортӆайт.
Округеван уӆты па Овс мувев эӆты книга ханшты хоятат еша тэрматыяты. Заявка щёхар тыӆащ оӆаңмет хатӆ унты туп китты рахаӆ. Там ссылка пуншты: https://dvp.yanao.ru/activity/42754/ па мосты щиран нэпек ханшты. Хоӆна муй хорпи нэпекат мосмитӆат, щита иса ханшман уӆ. Ханшам потрат, ӆуңтарат, потар шупиет книга щира ӆэщатман 2025-мет таӆан этӆат.
Таӆаңа верты тумпийн, хорамаң хоран понӆа, книга эӆты сохаӆ па ӆуңатты лыпатӆаӆ умащ ӆуңатты ураңан хорамаңа ӆэщатӆайт.
Ох сохаптаты ант мосаӆ. Китам рупатайт, касты харан рупитты комиссияйн вантӆайт па пирыӆайт, маты хоят нэпек ӆэщатты охан нётты.
Хащам сыс, катсоткем ӆуңатты нэпек ханшты хоят нётса. Ӆапатъяң пеӆа вет щёрас арат книга этас.
Книга ханшты ханты хоятыет, кум шитман нэпекӆан ӆэщатаӆн. Муң кашң яӆпа этам книгая аматӆув, ӆаваӆӆув, умащӆыман ӆуңатӆув.
Зоя Куртямова ханшам потар
Авторы
Лух Авт
Темы