Лух Авт
Уштам вуӆы сорашак уйтты ураӊан
Щёхар тыӆащ няӆмет хатӆ эӆты хольмаӊ пеӆа няӆмет хатӆ унты Хон Петра вош эӆты ёхтам учёной хоятат вуӆы тащан рупитӆат. Российской академия наук Тюменской научной центр Ямальской опытной станция хоща постам рупатаеӆ туӆэӆ.
Аратаӆ мув ӆоватан турамсот яӆап верат манӆат. Ёшан тайты войт посан понӆайт, вурӆаӆ вуйӆыӆайт, артаӆыӆайт. Ин па муй хорпи верат вуӆы тащан верӆайт, щит эӆты сельскохозяйственной наука доктор Александр Александрович Южаков каматса ясаӊ ястас: «Муӊ ин таӆаӊ тыӆащ Ямал муван рупитӆув. Мет оӆаӊан сора кеша тащ хота яӊхсув. Кат хатӆ юша манас, па хуӆам хатӆ тащ хотан усув. Кат доктор, кат кандидат па Ямальской опытной станция куща Максим Александрович Максимчик.
Муӊев мосас вуӆы тащ артаӆаты па вантты, хоты искусственной интеллект рупитты питаӆ. Вуӆы хорас пиӆан рупитты питаӆ муй па антом. Мосас сот вуӆы хора вуты, щаӆта специальной программа онтасан вантты, ӆуӊтасты па моштаты кашӊ вуӆы питӆа муй антом.
Ертаӊ хатӆата ювантыйс, хуӆам хатӆ ерт щёшийс. Хатӆ ким этам юпийн рупатаев еӆӆы па версэв. Туп няӆъяӊ вуӆы хора вусув, щаӆта па ертаӊа йис. Актащсув па Ӆапатнаӊка мантсув, щита хоӆсув, щи юпийн Пулӊавта ёхтаптысув.
Хуӆам хоятэв Хон Петра воша манас, там ӆапатан па хуӆам хоят щиӆта ёхтас. Еӆӆы па рупатайт ищи верӆув, ищиты Филипп Александрович Тайшин хоща. Ин ӆув тащӆ пиӆан Ун Ханмей ёхан хуват Харп пеӆа касӆыман яӊхаӆ».
Тамащ рупата онтасан, мосаӊ еӆӆы хатӆатан, кашӊ тащан вуӆэт хора вуты питӆайт. Йи веран ям, уштам вуӆы программа онтасан валэмаӆа, мохты моштаӆа, па уштам хоятаӆа ёхӆы маӆа.
Аллина Тоярова ханшам потар
Авторы
Лух Авт
Темы