Лух Авт
Ӆуңтарат толмащтаты оӆңитас
Ӆуңан Ёмвоша «Ханты ясаң» па «Ӆуима сэрипос» газетайңаӆув редакцияева Санкт-Петербург вошаң Овс мир институт хоща айӆат ёх ханты ясңа утаӆтаты нэ, филологической наукайт кандидат Зоя Степановна Рябчикова ёхтыӆыйс.
Ӆув веӆщи рущ ӆуңтарат ханты ясңа толмащтаты вераӆ эӆты оӆңитсаӆӆы. Там ванан Югра мув рущ поэт Дмитрий Мизгулинан ханшам «Ни имени не помню, ни лица…» нэмпи ӆуңтар ханты ясңа толмащтас.
Дмитрий Александрович Мизгулин лыпат хойты тыӆащ 10-мет хатаӆан 1961-мет таӆан Мурманск вошан сэма питас. 1984-мет таӆан Н. Вознесенской нэмпи Ленинградской финансово-экономической институт етшаптас. Иса ӆуңтарат ханшиӆыйс, щишн еӆӆы 1993-мет таӆн А. Горький нэмпи литературной институт етшаптас. «Союз писателей России» члена уӆ. Ёмвошн уӆмаӆан «Ханты-Мансийский банк» кущая ус, муң вошев «Почётный житель» нэман юкантса. Ин Санкт-Петербург вошан уӆ па рупитаӆ.
Ӆув ӆуңтарӆаӆ «Звезда», «Нева», «Молодая гвардия», «Наш современник», «Юность», «Литературная Россия» па па журналат хоща ханшман усат. Стихӆаӆ пиӆн ар киника эсаӆса, щит «Петербургская вьюга» (1992), «Зимняя дорога» (1995), «Скорбный слух» (2002), «О чём тревожилась душа» (2003), «Чужие сны» (2013) па па киникайт.
Ӆув ӆуңтарӆаӆ па хон пелак французской, английской, немащ, мадьяр, финской па па ясңата толмащтоман усат. Ин З.С. Рябчикова веӆщи ханты ясаңа толмащтаӆ.
Д.А. Мизгулин арсыр литературной журналат редколлегияя ӆоңман уӆ. Стихат ханшты вер ураңан арсыр литературной премияйт ёша хоӆамтас, щит Д.Н. Мамин-Сибиряк нэмпи премия, Ёмвош округ губернатор премия, Россия мувев правительства ёх литературной премия па па охаң мойӆапсайт.
Людмила Шульгина ханшам потар
Авторы
Лух Авт
Темы