обновлено: 07:17, 08 октября 2025
Лух Авт
Утаӆтаты нэӊат-ёхат актащисат
Ин па утщиӆам касты хар эӆты ханшты. Там ванан Пулӊавт вошан утаӆтаты, ай няврэмат энмаӆты нэӊат-ёхат кассат. Муӊ вошеван ивеван щимащ касты хар верыӆыӆа. Ин муниципальной этап ус. Рущ щиран тамиты конкурс муниципального этапа педагогического мастерства — 2025 айӆса.
Тамащ номинацияйт «Учитель года», «Воспитатель года» па «Педагогический дебют» усат. Ма самем амтас хун ӆув кутэӆан ханты энамты нэ шияӆасам — щит Мария Матвеевна Кали ус. Ӆув история па обществознание щиран Пулӊавт кимет ашкоӆайна рупитаӆ. Щи еӆпи Охсар куртан ус па рупитас. Шеӊк умащ вантты, хоты ӆув няврэмат пиӆан потартаӆ, хоты ӆув яӆап айкеӆат толмащӆаӆы оша пайтты ураӊан. Ин там порана муй туп ашкоӆайна антам — щит интерактивной доска, интернет хуват рупитӆат, электронной киникайт па па мутрайт тайӆат. Мария Матвеевна щи касты харан призёр питас. Муӊ ханты мирэв кутан ар нопсаӊ утаӆтаты нэӊат-ёхат рупитӆат. Еӆӆы па щимащ касты харатан муӊ ханты утаӆтаты хоятӆув нох ат питӆат.
Любовь Возелова ханшам потар
