Лух Авт
Утаӆтыты яӆап щират
Яӆап, 2024-2025 мет утаӆтыты таӆ ёхаттыйн, Ӆорвош район ашкуӆаятан каматса яӆап щир этаӆ. Щит эӆты Ӆорвош район утаӆтаты верат туты управленияйн ястаса.
Урок манты порайн, няврэмата телефонӆаӆ ёша уты ант рахты питаӆ. Утаӆтаты хоятат телефон хуват задание верты, няврэмата маты па ант верытӆат.
Хутмет-нийӆмет классатан «Обществознание» нох уӆа, щи предмет яртъяңмет класс эӆты няврэмат питӆат утаӆтыты.
ОБЖ урок яӆап щиран «Основы безопасности и защита Родины» нэматӆа. Атом вера питтыйн, оӆаң сыс, муй сора верты мосаӆ, уӆты мувев сайӆтаты хошты, хоты мушаң хоята нётты, щи верат верты хошты, няврэмат еӆӆы утаӆтаӆайт.
«История» моӆтас утаӆтыты щёсатан тэкаптаӆа, «История нашего края» курс утаӆтыты ураңан.
«Технология» па «Труд» (технология) нэман понӆа. Ӆыпийн вет атэӆ модуль питаӆ: «Производство и технологии», «Технологии обработки пищевых продуктов», «Компьютерная графика. Черчение», «Робототехника», «3-D моделирование, прототипирование, макетирование». Хуӆам моӆтас модуль па уӆ: «Автоматизированные системы», «Животноводство», «Растениеводство».
Утаӆтыты предметат муй хорпи нэман ант юкантӆайт, няврэмат яма ат утаӆтыӆат. Там йисан щи кеша шеңк ар вер верӆа. Камн уйтантопсайт, вантопсайт, еңта пасанат ӆэщатӆайт. Яма утаӆтыты няврэмат па муват вантты тутӆыӆайт, охан сохаптаӆайт. Утаӆтыя па утаӆтыя.
Зоя Куртямова ханшам потар
Авторы
Лух Авт
Темы