Лух Авт
Уӆты уӆапсаев Москва вошан альсэв
Ун кер тыӆащ 28-мет хатӆ эӆты Ас нопатты тыӆащ 2-мет хатӆ унты Хон мув сам ӆыпийн, Москва вошан ВДНХ хотан ХХ Международной выставка-ярмарка «Сокровища Севера. Мастера и художники России — 2025» манас.
Там пуш нийӆъяӊмет таӆэв постаӆэв, хоты Воӆаӊ Ляльн нох питсув. Щи веран Овс мув шимӆаӊ мир хоятат щи порайн верам нётопсаята юкантман уӆӆа.
Вуӆэӊ ёх уӆапсая постам хар пуншман уса. Щита аратаӆан альсайт, муй хорпи хотат Овс мув шимӆаӊ мир ёх тайӆат. Мойӊ хоятат верытсат хуӆ па нёхи эӆты верам ӆэтотат уӊӆа хойӆтыты, ӆавемиты.
Вантопсая ёхтыӆыйм хоятат таӆаӊ ӆапат хуӆантсат, вантсат, яксат, ӆутассат па тынассат. Ёш верам пормас тэӆые, патэӆ ант ныӆа. Хус регион эӆты хоятат ӆув тусӆаӆ алиӆысӆаӆ.
Кашӊ мув сыӆ ӆув ёра верты ӆэтотӆаӆ, пормасӆаӆ этаӆтасат. Тус ёшаӊ верантты ёх мойӊ хоятат кеша мастер-классат тусат. Утаӆтасӆаӆ, хоты сахат мосаӆ сак каратты, ӆов эӆты пормас нёхарты, щашкан па пунаӊ сох эӆты ёнтасты.
Сэм аматты ураӊан там хорат вантаты па умащӆыяты.
Зоя Куртямова ханшам потар
Авторы
Лух Авт
Темы