Лух Авт
Валерия па Рустам Каюмовы шитам меваӆ посңан
Хасям ӆапатан Белоруссия муван ӆохан хатэмиты па пошкан эӆты орытты Кубок Содружества касапсайт мантсат. Россия па Белоруссия мув эӆты хутъяң касты хоят ёхтыӆыйс. Ӆув кутэӆан Олимпийской ёнтапсаятан призёрата па победителя уӆты хоятат, международной касапсаятан па мир хуват чемпионататан нох питам ёх.
Хон мув командая ӆохан хатэмиты па пошкан эӆты орытты округ хоятат па ӆоңман уӆӆат. Ӆув кутэӆан Овс мув хоятӆув — Лариса Куклина, Валерия па Рустам Каюмовы па па отат. Там пуш Лариса Куклина оӆаң тахаята ант этӆыйс, туп хут хоятат кутан ус.
Валерия Каюмова (Васнецова) па ийикеӆ Рустам Каюмов там касапсайн меваӆ посңан шитсаңан. Валерия спринт касапсайн оӆаң тахая этас, ийикеӆ масс-старт хося кимет места ус.
Валерия па Рустам ясаң эӆты: «Муң ЯНАО округ командая ӆуңтасӆаман. Кашң касапсаята туңа сира ӆэсятыӆман. Си ураңан мосаң яма тыйс. Си рупатаеман еӆӆы туӆэман. Кашң порайн касты харан оӆңа этты ураңан юрэман айшукие ант ёхатаӆ. Яма пошкан эӆты орытты ки питӆаман, оӆаң тахаята этты верытӆаман. Шитам охӆуван ям ӆохат ӆутӆаман па хот омасты вера нётӆаман».
Альбина Тырлина ханшам потар
Авторы
Лух Авт
Темы