Лух Авт
Васьёханован няврэмат пиӆан рупитаӆ
Василий Валерьевич Аляба Васьёханов ашкуӆайн технология урок туты хоята рупитаӆ. Уйтатопсая хасям хатӆатан туп пирыса. Мосаӊ моӆты хоят кум ёхатты ант верытас, ӆув вохса.
Рупатайӆ па там уйтантопса эӆты потар тус: «Ашкуӆайн ма няӆмет таӆ рупитӆам. Киров вошан Вятской государственной университетан ОБЖ туты хоята утаӆтысам. Урокӆам тумпийн, внеурочной рупата хуват няврэмат квадрокоптерат пиӆан рупитты, юх па ӆов эӆты пормасат нёхарты, утаӆтаӆӆам.
Беспилотникат пиӆан рупатты вер ин обшеобразовательной программая ӆоӊаӆман уӆ. Си вер туты хоятат районэв эӆты Москва па Минеральные Воды вошӊана утаӆтыты яӊхсат. Ма Москва воша яӊхсам. Муӊ сита утаӆтасаюв, муй сирн си пормас пиӆан рупитты мосаӆ. Няврэмата па ӆувиӆаӆ акатты па касапсайн компьютер хуват касты хошты мосаӆ. Си юпийн туп спортзалан па каман пурӆыты сёсӆаӆ маты.
Тамась тахая ма оӆаӊ пуш ёхтыӆысам. Участника усам. Туризм харан рупитсам. Сит манэма ваншак. Аӊкем-асем тащ хотан яӊхсаӊан. Ин ащем хуӆ веӆман уӆ. Муӊ уӆты мувеван шеӊк ар хорам тахайт уӆӆат. Мосаӊ моӆты яӆап вер пуншӆам.
Там уйтантопсая проект ант ӆэсятысам. Кат таӆ хасяс, хоты округев хуват департамент образование верты касапсая рупитты тахаев мосты пормасат ӆутты ураӊан, грант ох шитты заявка нэпек китыӆысам. Йи миллион соӆкувайн мийӆысайм. Нэпекӆам организация эӆты мийӆысӆам, сишан охан кат пуш шимаӆшак масайм. Куртэван ашкуӆа-интернат тайӆув, нялъяӊкем няврэм сита уӆ. Сишан рупатаев тащ хотан уӆты, хуӆ-вой веӆпасӆаты няврэмат пеӆа кератман уӆ. Мосаӊ ӆув пиӆэӆан ӆэсятӆам».
Альбина Тырлина ханшам потар
Авторы
Лух Авт
Темы