обновлено: 09:38, 17 июня 2024
Лух Авт
Васхулет нампар эваӆт сыстамты касты хар
Ямал мувна кубок чистоты-2024 касты хар пинтщас. Касаң нэңху ниӆхощъёң таӆ эваӆт щи хансантта веритӆ. Щи ораңна команда акатта масӆ, катӆэм-ниӆӆэм нэңху, сайт хоща заявка китта па хутмет хатӆна партты тахайна ёхатта.
Ямал мув кубок чистоты — щит васхулет нампар эваӆт сыстамты касты хар, щита нэңхэт кутӆаӆна касӆат, хой мет ар нампар акатӆ. Тампус ловатӆна 26 ентапсы верӆа, хата щёрскем нэңху этӆ. Касты нэңхэт кутна холам категория верса: хаттэӆ, лохсат маса йи коллектива ропыты нэңхэт па щирэӆ заявка китам команда. Касаң команда ниӆ нэңху эваӆт олта масӆ, молтас ант рахал.
«Тамащ касты хар муң мули камантсы таӆ верӆу. Па таӆат Кубок сытты ораңна щёрс ветсат молтас нэңху акмиӆыйӆ.Йи щимащ ентапсы онтасна нэңхэт хос молтас тонн нампар актыӆыӆат, аӆ субботник эваӆт щит век ар», — «Сыстам ентапсэт» проект пиӆна ропытты Анатолий Темченко лавас.
Ямал мув кубок чистоты касаң вуӆ васатна па ай похлатна манта питӆ.
Вера Лонгортова хансам потар
